زوجته تطاردني في أحلامي وهي تبكي!

انا شابه فى اوائل العشرينيات حصلتلى حادثه من حوالى سنتين فقدت فيها عذريتى اتعذبت كتير بس مع الوقت نسيت تفاصيل الحادثه ده من اشهر اتعرفت على شاب فى اواخر العشرينيات اكبر منى بحوالى 6 سنين بداية علاقتنا كانت صداقه بس مع مرور الوقت اعترفلى بحبه الشديد ليا وانا قلتله على كل حاجه فى حياتى واعترفت بحبى ليه بعدها بايام قليله اكتشفت انه متجوز ومعاه اطفال وجهته اصر انه قالى وانا نسيت قلت يمكن وسكت وبعدها على طول ابتديت اعرف حقيقته كامله انه يعرف حريم كتير جدا وعمل معاهم علاقات جنسيه وواحده فيهم حملت منه وهو سقطها بايده وغير العمليات الى انا نفسى كنت رفضه اعملها ووجهته وكان رده انا نضفت من ساعة ما عرفتك ومش عاوز حد غيرك صدقته بس مع مرور الوقت ابتدى يتغير خالص كان اهتمامه بيا بيوصل لانى مقدرش اخرج غير لما اخد اذنه الاول بس مبقاش حتى بيسال عليا انا عايشه ولا مت بحس فى معظم الاوقات انى مش فرقه معاه لدرجة انى قعدت فترة شهرين مفيش مكالمه ولا حتى رسالة فيس ولما قبلته بعدها كانت حجته الشغل وفى نفس اليوم مراته شافتنا سوا وعرفها عليا على انى مريضه عنده مش اكتر من كده اتجرحت من نظراتها ليا وبعدت اسبوع مسالش فيا خالص ولما كلمته قالى ده انا كنت عيان وانتى مسالتيش وطلعنى انا الى غلطانه اسلوبه فى الكلام معايا اتغير حتى معاملته بقي جوايا احساس انه على علاقه بواحده تانيه قلتله قلى مش هزعل قالى لما اعرف اهتم بيكى ابقى اعرف وحده تانيه وغير كده حسه انى وخده حاجه مش من حقى بموت كل يوم بسبب مراته الى بتطاردنى فى احلامى وهى بتعيط اعمل ايه انا فعلا متلغبطه