كانت نيتي الإنتقام فوقعت بشباك الحب
![كانت نيتي الإنتقام فوقعت بشباك الحب](https://static.hellooha.com/revamp/assets/imgs/logo-desktop.png)
بدأت الحكاية اما كانت صاحبتي واكتر من اختي بتحكيلي عن جارها اللي اصغر منها ب 3 سنين تقريبا واللي كانت بتعتبره زي اخوها لحد مابدأ اهتمامه بيها يزيد اوي غير الطبيعي لدرجه انها فهمت قربه واهتمامه انه اعجاب او حب وكل ده خلاها تشوفه بنظرة تانيه فيها اعجاب وحب وطولت الحكاية فترة وهي اتعلقت بيه جدا وهو كان اهتمامه بيزيد لحد مالكل كان ملاحظ ان فيه حاجه بينهم وانه ممكن يرتبط بيها هي كانت عادية يمكن مش بقدر الجمال اللي كان بيدور عليه لكن اهتمامه بيها هو اللي خلاها تفكر كدة غصب عنها ومرة واحدة كل ده انتهي وبقت هي مش عارفه ايه حصل حزنت جدا لدرجه غريبه حزنت لانها كانت بتحلم حلم جميل قلبه هو لكابوس حتي من غير ماتعرف ليه هو مقالش بحبك ولا قدم وعود بس كان ليه اللي عمله معاها واللي كان بيعمله مع الكل ومعظم البنات كان بيحبوه لانه من وجهة نظرهم بيهتم اوي بيه يمكن كمان ستات متجوزة وحبوه من اسلوبه وطريقته ويمكن عشان عنده شوية فلوس .. صاحبتي يمكن دخلت في اكتئاب وحالتها بقت سيئه وبتلوم نفسها لدرجه انها بقت تدعي عليه اوقات من ورا قلبها واوقات منه لدرجه كان نفسها تنتقم منه وسالتها تحبي تنتقمي منه ازاي مكنتش تعرف طريقه لكن ابسط حاجه قالت اتمني ميرتبطش ابدا وميلقاش حد يناسبه ويعيش الحزن اللي عاشته يمكن الفكرة عجبتني ازاي تنتقم منه فكرت ان بطريقه اني افهمه ان اللي بيعمله غلط واني اخليه بحب حد ويعمل معاه زي مابيعمل هو وقررت اكلمه بطريقه الصدفه واشوف النظام ايه وفعلا كلمته وفهمت منه حاجات كتيرة عن شخصيته وان الواضح انه رجل زي كل الرجاله دخل في علاقات كتيرة صحيح لكن عمره ماوعد حد لا بارتباط ولا غيره وان معظم اللي عرفهم كانوا بيعرفوه لهدف جواز وخصوصا انه عنده فلوس ويعتبر لقطه لاي بنت والنوع ده مبيحبوش وانه يتمني الحب مع حد ياخده من الدنيا واد ايه علاقاته دي بقت مرهقه وشئ غير مرغوب فيه .. مع الوقت قال انه عجبه شخصيتي وطريقتي ومالي ذلك من حوارات وانا كمان كنت بجاريه واد ايه هو مثالي وهكذا قال معجب بيا وان العلاقه بينا مفيهاش اي اهداف واحسن حاجه اني ليا شخصيه مقابلهاش قبل كدة لدرجه ان خليته يغير طريقه تفكيره حتي كان صعب يتحمل رفض من اي بنت لاي حاجه عايزها والكل كان تحت امره ولو حد عكس ده بيسيبه لانه بكل بساطه معندوش دماغ للصداع ده ولا عايز تعب بس ده كله اتغير معايا من وجهة نظري انه يمكن بيتمسكن لحد مايتمكن ومع ذلك اديته الامان بكل الحدود الللي حطتها وان اد ايه واثقه فيه ثقه عمياء كنت بحاول اخليه يحبني وفعلا قال انه بيحبني بصرف النظر عن صدقه من عدمه بس اعترف بده وانه يتمني يكمل عمره معايا بس بدون الدخول في موضوع ارتباط لانه طبعا مش عايز يدي وعود كل ده وانا بحاول امثل بس لقيتني بدافع عنه لقيت انه معندوش ذنب وانه لو غلط الغلط مش منه لوحده الغلط مشترك مع اي حد عرفه لدرجه ان اما بيتكلم عن كل اللي عرفهم مبيفتكرش غير حبيبته اول حب عرفه واللي كان يتمني يقابل حد ياخده زي ماخدت قلبه وملقاش مكنش فاكر اي حد غيرها واما حبني ع حد قوله بمكن عاش معايا نفس حبه للاحساس ده عشان كده حبني .. مشكلتي اني مبقتش عارفه انا فين انا حبيته برغم انه مشافش غير صوره ليا ولا اما قربت منه بدات اتغير من اللي كنت بفكر فيه طيب هل صح اللي عملته طيب انا كدة خاينه للصداقه بس ربنا يشهد ان عمري مافكرت في الخيانه وان هدفي كان اشوفه متعذب زي ما صاحبتي اتعذبت بس دلوقت هو حتي لو غلطان مقالش لها حاجه انه بيحبها وفي نفس الوقت انا بفكر في البعد الاقيه بيرجع اقرب وطريقته تتغير للاحسن كانه هو كمان عنده نفس الهدف او يمكن حبني ؟مش معقول طيب انا حبيته مش عارفه احساس صعب اوي ومش عارفه ازاي وصل لكدة ومش عارفه ايه صح اعمله خايفه بجد اكون حبيته وبدل مانا اعذبه اتعذب انا وخايفه اكون ظلمت نفسي وظلمته مع معرفتي اني غلطت ومعترفه بده بس اعمل ايه انا معقول احبه ؟ برغم انه اكتر حد كنت بكرهه وصحبتي مش قادرة اخبي عنها اللي عملته ومش عارفه اقولها ايه ولا عارفه ازاي ابعد ممكن تساعدوني اعرف اوصل لطريق نور من وسط الضلمه دي
شارك في الاجابة على السؤال
يمكنك الآن ارسال إجابة علي سؤال
![علم United States](https://static.hellooha.com/revamp/assets/flags/us.png)
كيف تود أن يظهر اسمك على الاجابة ؟
- أخصائية علم النفس والتثقيف الصحي ميساء النحلاوي عزيزتي تفكيرك من الأساس ليس صحيحا، ما دخلك انت لتنتقمي من شاب لا تعرفينه أصلا، وضعت نفسك في موقف محرج مع صديقتك ودخلت في دوامة مع شاب لا تعرفينه. لا تصدقي ما يقول فمن الممكن جدا انه يريد ان يوقعك انت أيضا كما الأخريات ومن ثم يتركك. اخرجي نفسك من هذه اللعبة قبل ان تتطور الأمور الى مشاكل انت بغنى عنها.
شارك في الاجابة على السؤال
يمكنك الآن ارسال إجابة علي سؤال
أضف إجابتك على السؤال هناكيف تود أن يظهر اسمك على الاجابة ؟
احدث الوصفات
فيديوهات ذات صلة
مقالات ذات صلة
اختبارات ذات صلة
أسئلة ذات صلة
مقالات ذات صلة
احدث مقالات الحب والعلاقات العاطفية
احدث الوصفات
احدث اسئلة الحب والعلاقات العاطفية
اسئلة من بلدك
احجز استشارة اونلاين