أحب شاب لكن البرود سيد الموقف

انا عمري 17 سنه حبيت واحد من برامج التواصل الاجتماعي وهوأكبر عني بسنتين وهو هذي السنه الاولى له في الجامعه علاقتنا ابتدا من 6 شهور هو إنسان يحترمني وانا احبه واحترمه لكن كان يحب وحده قبلي واكبر منه البنت تزوجت وراحت بحال سبيلها هو مانساها واعترفلي قبل لا يعرفني كان حاط في باله يكلمني عشان ينساها وبعدين تطور الوضع صار يحبني أكثر منها ودايما يقولي انتي غير عنها ووعدني بالزواج يوم يتخرج وقال بسمي بنتي فلانه اصريت اعرف شو سبب هذا الاسم بعد فتره عرفت انو اسم حبيبته القديمه قلت له للحين مانسيتها قالي مانسيتها كل شي اتذكره حتى معاي في الكلاس طلعت وحده تشبهها قلت له خلني بحالي انا موب للتسلية وتلعب على مشاعري وانت ماتحبني قال انتي نسيني اياها واشتد الوضع بينا وتفارقنا اسبوعين رد قالي انا كنت مريض وسويت عمليه وقلت هذا الكلام كله عشان ماتخافين علي وتحاتيني ومن هذا الحكي وقبلها عرفت انه كان يرمس بنات ويلعوزهم من بعدها حسيت انه يكذب على صرت مااثق فيه وحسيت سالفة العمليه كلها جذب بس من كثر مااحبه رديت له لأن من فارقته اسبوعين بس حسيت الدنيا تقفلة بويهي وبعد جي استمر الوضع عادي وقام يطلب يشوف صوري أو نتلاقى رفضت بالبدايه وتم يصر لين قمت أطرش كم صوره عقبها قلت له مابطرش صوري ولا اقدر اطلع معك انا ماطلعت معاها بس طرشت له صورتي قالي انا مااقدر اجبرج على شي ماتبينه سوي اللي يريحج بس علاقتنا بتصير بارده يعني لا أقدر اشوفج ولا حتى صورج بس اصريت اني مابطرش له ويقولي فهميني انا ماابي اكلمج ولا اكلم غيرج ابيج توفرين لي كل شي ابي كل شي معاج انتي ولازم تدلعيني موب كل مااقولج شي تقولين عيب ومايستوي وقال انه علاقتنا كله تراسل مافي شي يديد دايمن نفس الشي بس انا ابي يكون حبنى حب عفيف وطاهر مابي يكون في شوائب ويكون علاقتنا كأي علاقة عابره أبيه يكون لي بالحلال وهو دايمن يقولي لو كانت اوضاعي اوك موب صغير على الزواج كنت ماتردد اخطبج وانا لو فكرة بزواج افكر فيج من اخلاقج وجمالج وتربيتج بس احس ساعات هو يحبني وساعات مايحبني اهتمامه قل عن قبل لو انا ماسئلت عنه مايسأل عني لو بالأسبوع قبل فتره تعمدت ماسئل عنه اسبوعين ماقام يسئل عني لين انا ماقدرة اتحمل حتى رحت كلمته وكل مااقوله انا ماراح اسوي الشي اللي انته تبي ماراح اطلع معاك واقابلك ولا برسل صوري ولا بكلمك كلام عن أشياء موب زينه واقوله خلاص خلنا نترك بعض يقولي انا مابخليج مابتتعوضين لو شو ماصارولو كنت اكرهج وانا احبه ومااقدر استغنى عنه بس مااقدر أغضب ربي ولا اسوي شي موب زين مااعرف شو الحل حتى علاقتنا صدق مستويه بارده مافي مواضيع اسولف معاه فيه مااعرف شو اقوله عشان نسولف عجزت أفهمه هو صدق يحبني ولا لا هل استمر معى أو لا ياليت تفيدوني