أفقدني عذريتي ويتهرب مني، كيف أتصرف؟

مسا الخيرأنا بنت عمري ٣١ سنة، من حوالي سنة دخلت بعلاقة حب مجنونة، كنت أشعر معاه بسعادة ما عمري حسيتها قبل لدرجة إني سلمتله كل حالي وفي إحدى الأيام كنّا نشرب وتقلنا شوي.. ويومها فقدت عذريتي معه.بعد أشهر من العلاقة صرنا نخطط لموعد ارتباطنا، ونحلم كيف رح يكون بيتنا وأولادنا.. كل شي كان مثالي.مؤخرًا صار عصبي ويلطشني حكي عالطالع والنازل، وصار يخفف شوفته لإلي ولما نلتقي يحكيلي انه بطل يحبني زي زمان. وآخر مرة اختلفنا فيها قرر فجأة إنه ما بده اياني وانه ما رح يقدر يكمل معي..!انا لهلأ مصدومة ومش عارفة بالمررررة أعيش حياتي طبيعي، لساتني بحبه ومتعلقة فيه! واصلا ما بنفع نترك لانه اخد عذريتي! المفروض نتقابل كمان فترة لانه في شغل بيننا ورح اضطر اشوفه، وقبل ما نترك اتفقنا نقعد سوا بهداك اليوم!انا محتاجة احكي مع اي حدا ممكن ينصحني كيف اتصرف لهداك الوقت؟ انا يا دوب قادرة امسك حالي وما ابعتله شي! وتعبت تعبت وهو مو فارقة معه! حتى إني صرت أعيش أعراض غريبة بجسمي، متل الحرارة الزائدة كل ما بفكر فيه او اشوف صورة إلنا! أو سرعات بنبضات قلبي! ووجع مش طبيعي بالمعدة! وغير الكبت والعصبية..انا فعلًا حبيته وبحبه، وأسوأ شي بهالزمن انك تتعلق بشخص خاصة لما تهون عليه!انصحوننننني!