تفاجأت أني وجدت الشخص الذي أحبه في أحد مواقع الزواج

السلام عليكمانا بنت بأواخر العشرينات شفت شب بشتغل بمول قبل فتره تقريبا ٧ شهور وكنت بدي اشتري شي وهو ساعدني ودلني على المكان بس كان كتير محترم وخلوق وشدني اليه ما بعرف كيف امكن لانه خجول ومو متل شباب كتير هاليوم وتمنيته يكون من نصيبي بيني وبين نفسي ودعيت يارب اذا هالشخص كويس يكون من نصيبي وشفته اكتر من مره بعدها بس ما حسسته بانجذابي اله ولا كلمته بعدها بالعكس كنت اتفادى هالشي بس هلا قبل كم يوم اشتركت ببرنامج للزواج بنيه الزواج بعد ما يأست من موضوع الزواج مو لانه انا مو حلوه انا الحمد لله حلوة ومحترمه ومستوره وبعرف الله بس غير كتير عن بنات هالايام وبخجل كتير وبشهاده كل من بعرفني مشكلتي انه مليانه بس مو مبين اني سمينه كتير بس هالشي. ماثر على ثقتي بنفسي وكمان لانه ما النا علاقات مع الناس كتير وزميلاتي الي معي بالشغل اوقات بدلوا علي عرسان شي بالخمسين وشي بالاربعين وشي ببلد تانيه فانحبطت كتير واكتئبت المهم تفاجات بنفس الشخص انه زاير بروفايلي وحكى معي وغرضه الزواج ووقتها عرفت انه الدنيا صغيره عرفت انه من بلد تاني وخايفه من اني اتعرف عليه وخايفه من الطريقه بس والله نيتي سليمه وبحكى معقول هو خير الي عشان القاه بهالسهوله وامكن الله بسهل لانه خير الي ما بعرف هل اصارحه وخايفه لو صار قبول من طرفه انه اهلي يرفضوا عشانه من جنسيه تانيه بشو بتنصحوني ؟