كيف أغير هذه الصفة فيه قبل الخطوبة؟

مرحبا مشكلتي ما لقيت الها حل مهما فكرت لهيك بتمنى مساعدتكم انا بعرف شخص من سنتين تقريبا و هو شخص جدا منيح و دايما بشجعني ع الشي يلي فيه مصلحتي و الحمد لله علاقتنا منيحه و تمام و عرفني ع أهله و عن قريب ان شاء الله رح نخطب بس بضل في شي غلط بعلاقتنا انه هو جدا عصبي يعني اقل شي يلي ممكن ما يكون مهم ممكن يعصبه و يخليه بنرفز و بحكي حكي بزعل وقت يعصب و غير هيك مرات بشك يعني انا من النوع من الأشخاص يلي ما بدقق بالأشياء يلي ما بتهمني و بنساها بسرعه فإذا حد بسالني عنها ممكن اتردد باجابتي حتى اعطي الجواب الصح بس وقتها ببلش عنده الشك و بضل زعلان و أسلوب حكيه سيء لحتى خلص يتأكد من الشى يلي سأل عنه حاولت كتير اني اخفف هالطباع فيه و اني اخفف عصبيته او اني اخليه ما يشك بس ما في امل يعني ببطل فترة و برجع فشو اعمل فيدوني كيف اغير طباعه