أحاول أنساه لكن لا أستطيع وأراقبه دائماً

صباح الخير انا بتمنى تحكولي حلول واقعيه لمشكلتي ... انا ولو بنت بظروفي وبوحدتها وعدم ثقتها بحدا من حكم التجارب ومحاولة الإنتحار والتفكير فيه ومللي وسآمي من الحياة والمشاكل والمصايب يلي مرقة فيها ولس عم بمرق فيها يمكن هي صفر بالنسبه لغيري ... انا دارسة ماستر بعمر صغير وعندي طموحات واحلام كتير تنازلت عنها بدعوه كل يوم انه الموت يكون قريب لإلي بأي لحظه ليخلصني من ضعف شخصيتي وعزلتي وكآبتي ووحدتي يلي بتقتل والله ما عم ببر لحالي الغلط وقت عرفت انه غلط تركته والحمدلله ضميري صاحي ودائما كنت بدعي الله يخلصني من هالحرام ... من سنه دخلت بعلاقة حب مع شخص من ع الفيسبوك وكانت كتابيه ليس الا وما كنت اثق فيه مجرد تغيير روتين غيرلي افكاري قربني ل الله ولبست الجلباب وحكالي احكي لاهلك اني راح اتقدملك .. وحكيت لاهلي لكن بابا رفض لانه الشاب مش متعلم وانا لاحظت وقت حكيت انا والشاب بالجد بلش يحكي ممنوع صاحبات ممنوع اهلك وراح تسكني ببيت اهلي وممنوع طلعات ... ممنوع تناقشيني قدام العالم واذا في مشاكل مافي نحلهم قدام العالم ... وممنوع ولا تشوفي حالك علي انه انت واهلك متعلمين وانا واهلي لا ... لا تحكيلي عمي كذا وعمي كذا ولا تشوف حالك انه اهلك فوق وانا متواضع ومن هالحكي ... هاد التغيير خوفني ولما سألت اخصائيه اسريه حكتلي الحب ما بكفي وكونه بلش من اولها هيك ... المهم اتفقنا نلتقي وشافني وشفته وحكينا وبعدين ما بعرف شو صار ... لهيك انا بلشت اختفي وبطلت أرد ع مسجاته وبادرني بنفس الشيء بدون ما نبرر لبعض ... قطعت التواصل معه ولكنني لازلت اراقبه وابكيه يوميا وكثير وبدعي الله ... لانه حبي الأول والأخير كان كاسر عزلتي وصديق اوقاتي كان الدوا الي ... ما بعرف شو احكي ... بحاول انساه بس لساتني بحبه وراح اظل احبه