الكل يرفض رجوعي لها بسبب خيانتها وأمها الإستغلالية

بنت عمي مش متربيين مع بعض ومشفتهاش الا وهي كبيره اعجبت بيها جدا وهي كمان بتحبني كانت مخطوبه اول ما شوفتها واول ما اتكلمنا قالتلي انها مخطوبه شكلا بس ولولا ان خطيبها عنده ظروف كان اخوه لسه متوفي كانت خلصت كل حاجه وقالتلي انها مش بتكلمه بعد كده عرفت انها بتكلمه وكمان بيصرف عليها بحكم انها خطيبته في نفس الفتره اللي كانت علاقتنا فيها بتبتدي زعلت وقررت الانفصال بكت كتير وقالتلي والله كان كلام عادي ومجرد اطمئنان بس فشرط ان رجوعنا يكون بعد ماتنهي علاقتها بشكل واضح قدام الكل وترجع له كل حاجه اخدتها منه ماطلت شويه بحجة مامتها بتقول استنى شويه عشان اخوه والاصول ما ينفعش قلتلها خلاص مانتكلمش عشان حرام وكمان عشان شكلك قدام الناس زعلت وضغطت علي مامتها فنهو الموضوع لكن مش رجعوا الحاجه فزعلت منها وقولتلها مفيش رجوع الا لما ترجعي للراجل حاجته وقد كان بس بسبب كده انا دخلت في مشاكل مع مامتها وشكلا انفصلنا لكن فضلنا علي علاقه ببعض والناس كلها كانت عارفه الا مامتها والكل حاول يهدي الموضوع ودخلت في مفاوضات مع مامتها وتقريبا كان الموضوع خلص لكن عرفت انها علي علاقه بشاب تاني ووصلت لنص مكالمتهم علي الفيس وبصراحه كلامهم كان خيانه صريحه ليه واجهتها فانكرت ولما وريتها نص كلامها قعدت تبكي وتقول مبررات مش مقنعه سيبتها ومشيت فكرت اني اسيبها ولكن فكرت في بكاها ومبرراتها اللي مش مقنعه وطيشها الزايد خفت عليها رجعت بشروط وكملنا مفاوضات مع مامتها لكن كانت غير موفقه وطلبت حاجات تعسفيه فقلتلها تكلم مامتها تهدي شويه فسالتها مامتها قدام العيله انتي عايزاه فسكتت ومش ردت فكانت النهايه ان مامتها غلطت في بابا وماما بعد كده بابا توفي وهي ماقطعتش علاقتها بيه خالص لكن بيني وبينها بس بعدها اتخطبت وكنت اخر من يعلم وكانت بتكلمني وبتكلم خطيبها واجهتها وبعد عراك لفظي سيبتها ومشيت ومكثنا حولي شهر مانتكلمش كانت حالتي سيئه فيه جدا بعد كده كلمتني وقالت انها انفصلت عن خطيبها وده ماكنش صحيح وما انفصلتش عنه الا لما رجعنا نتكلم تاني ودلوقتي بتقولي نتجوز الكل رافض رجوعي ليها وحاسس بخيانتها ومامتها استغلاليه وقلة التعامل معها افضل ساعدوني من فضلكم لان التفكير هيشلني