اكتشفت أنه خانني بعد انقطاع علاقتنا

انا بنت كنت احب شب قبل خمس سنين كان معي بالجامعة ضلينا نحب بعض سنتين و صارت ظروف و انفصلنا بس ضليت احبه المشكلة انو لما انفصلنا كان السبب اوضاعه بس اكتشفت بعدين انو كاين يخوني انو كاين يكزب علي و يعرف بنات و غيره و غيره بعد كل هالسنين يلي مرقت ونحنا بعاد قدرت اتغلب ع مشكلتي و شعوري بالقلق و القهر و قدرت اتصالح مع نفسي و رجعت تعاملت معه عشان اواجه نفسي فيه و فعلا رجعت احسن من قبل و بطل يفرق معي ازا بحكي مع بنات او غيره الا اني قبل فترة صار موضوع و انفتحت سيرة خيانته اتدايقت كتير لما اتزكر كيف كان، حقير معي بالوقت يلي كنت اعشقه بنقهر بفكر اني يا ريتني خنته يا ريتني ما كنت صادقة معه بفكر انو اي شعور هو الاحسن اني اكون الخاينة ولا اكون الغبية بالقصة.. شو الشعور الافضل؟ هاد يلي انا حاسيته هلا و النار يلي عم تحرقني بإني كنت اغبى خلق الله ولا شعور اني اكون استغفلته و خنته انا ؟نفسي انتقم منه.. نفسي احرق قلبه و اقهره زي ما قهرني انا ما بنكر انو تعاملي معه و مواجهة حقارته كتير خلاني احسن بس كمان مو متقبلة فكرة اني كنت غبية و انو استغفلني