أحبه وأعلم أنه ليس من نصيبي

ما بعرف كيف بدي ابدا بمشكلتي بس انا حبيت واحد كتير حطيتو بعد الله بدرجة انا كتير متعلقة فيه وبحس انو بموت اذا تركني بس هاد الحب من طرف واحد بس هو بقول انو بحبني بس هو مش سادق هو بقول هيك مشان ابقا معو لان هو بدو ياني مشان يقول لرفقاتو انو في بنت بتحبني وبتعمل كلشي كرمالي وبدو ياني مشان وقت يكون ما عندو ولا بنت يحكي معا بيحكيني وقت بكون محتاج شي مني بيحكيني وقت بدو يتسلا بيحكيني بس مع هيك انا لسا بحبو و مستحيل اقدر اكرهو بس والله تعبت هو بيعرف انو بحبو كتير بس مو مهتم لمشاعري ابدا في مرة طلب مني كلمة سر حسابي عالفيس عطيتو ياها بس صار يحكي مع رفقاتي ويحكي مع بنات! يعني بيعرف انو رح ابكي اذا شفت انو بيحكي مع غيري بس هو مو مهتم لدرجة انو تكلم معهن من حسابي! متصورين اديه صعب هالشعور :( انا بعرف هو ما بحبني ومستحيل يكون من نصيبي ولازم اتركو بس ما عم بقدر واذا حاولت اتركو هو ما بيسمحلي بخليني اضعف وارجعلو فورا والله انا كتير بحبو يعني احيانا بترجاااه مشان يحكي معي يعني والله العظيم انا كرااامتي فوق ما بسمح حدا يهينني بكلمة بس هو بضعف معاه وبسمع كلمتو وبعملو اي شي بدو ياه حاسة حالي كتير غبية لان بحبو بس حاولت ابعد عنو اكتر من مرة بس ما قدرت بشتاقلو وبرجعلو فورا. ممكن حدا يقلي كيف انساه مشان الله والله تعبت وما تقولو عني غبية انا كتير شاطرة بالمدرسة وكمان في شب بالمدرسة بحبني بس انا ما عم اقدر احب حدا غير حبيبي بس بدي انساااه كيييف