بعد أن أفقدني عذريتي تزوج بنت عمه

بداية قد تبدو المشكلة حساسة جدا حتى اضعها هنا ولكن احتاج اراء الجميع   عمري ١٨ والدي متفتح بشكل معتدل و والدتي سعودية من مكان اشتهر بالتشدد والقبلية، تربيت على طريقة والدي كانت الثقة اساس التربية واعتذر للقول اني خنتها تعرفت على شاب من تويتر عمره ٢٢ سنة من نفس مدينة والدتي ولكنه يعيش بالعاصمة في حين اعيش انا بالشرق، بدأ الموضوع كصداقة وانا اعتدت الحقيقة اني اتواصل مع ذكور وجه لوجه في الدورات التدريبية خصوصًا، كنت ادخل دورات تدريبية صحية في الاجازات عمومًا لاحقًا تحولت الصداقة لرابطة وهذي الرابطة لحب ما كنت اعتقد بيوم من الأيام انه بينكسر، الولد وعدني انه بيخطبني وما اعتقد انه كان يكذب في هذه النقطة  لكن اللي حصل اني كنت اتكلم مع شخص ثاني عمره ٢٨ سنة وقد قابلته وعرف اللي احبه بهذا الشيء ( كان يفتش من وراي ) ثم انفصلنا رجعنا بعدها كصداقة من جديد لكن اللي صار اني كلمت الشخص الثاني مره اخرى وهو عرف ايضا وتركني من جديد، حالتي النفسية كانت سيئة جداً لدرجة افكر بالانتحار   لكن لاحقًا رجع لي كحب وسامحني، وكنا حلوين جداً ولطيفين عايشين حياتنا نضحك ومبسوطين الى ان جاء مره وقال ان ابوه يبي يخطب له بنت عمه، مايقدر يتزوجني لانه فقد الثقه فيني وانفصلنا فترة شهرين ورجعنا لاجل الحب والمشاعر، وقال بيضل معي للنهاية او لحد ما والده يخطب له، كنت اقول يارب نموت مع بعض افضل من اني اشوفه يخطب وحده ثانيه وانا ما اقدر اسوي شي!  في فترة انفصالنا شفت صورة في حساب اخوه انه ملك وهو قايل لي ماراح يملك ، انا انجنيت حرفيًا وكنت افكر وش اسوي وقررت اروح لمدينته، والله اني رحت بطيارة الصبح ورجعت طيارة الظهر و اهلي يحسبون اني بالمدرسة :(  رحت لبيته بتاكسي وارسلت له رسالة ان فيه شحنه عند الباب يطلع ياخذها ولما طلع شافني وانصدم كانت اول مره بحياته يشوفني للاسف بهذا الشكل السيء ، وخليته يوصلني للمطار لان كان باقي ٣ ساعات على العودة بس، و تكلمنا بالطريق ما اخذت منه حق او باطل غير انه ما ملك لانه اصلا كان خايف ومتوتر ويقول رجليه مو قادره تشيله لما رجعنا بعد الفراق شهرين كان عندي دورة تدريبية بنفس مدينته ف لما رحت وخلصت الدورة بالمساء جاني الفندق ع اساس نشوف فلم لكن اللي صار شيء آخر اعتقد واضح وعمومًا انتهى الامر اني ما صرت عذراء  وقتها انا ماكنت ابي احمله الذنب لاني رضيت له اصلا يجي ولا ابي احمل نفسي كذلك و سكرنا ع الموضوع وخلاص الان بعد ٣ شهور طلب ننفصل بسبب انه لازم يخطب بنت عمه، لكن كيف يتركني وهل ضميره يسمح له كشخص يتركني وانا مو عذراء بسببه؟  هو يعرف كل شيء عني وانا كذلك اعرف مكان سكنه واسماء اخوانه و والديه كل شيء تمامًا ..  انا متأكدة من مشاعره تجاهي لان صار اكثر من موقف اثبت لي فيهم هذا الشيء ، وانا كذلك احمل له مشاعر كثيرة وفراقه شيء صعب على قلبي وخاطري اللي اشعر فيه ان تفكيره تجاهي تغير بما اني سلمته نفسي مثلاً او شيء من هذا !  هي مو مشكلة بقدر ما انها فضفضة، صعب علي اقوله تزوجني غصب وايضًا صعب امنع نفسي من الزواج ..