حالتي الذهنية صعبة منذ أخبرني أنه كان يعشق فتاة

السلام عليكم انا بنت عمري 24 سنة تعرفت على شب قريبي ولكن لم اكن اعرفه ابدا وتمت الخطوبة صرلنا مخطوبين حوالي 3 اشهر وكل شي تمام الحمدلله هوي شخص ولا اروع من هيك بحنيتو واهتمامو الي ولهفتو عليي بس في مشكلة مضايقتني انا لما كنا بفترت التعارف خبرني انو كان يحب بنت قبلي حوالي 4 سنين وتركو قبل ما يتعرف عليي خبرني قديش صرف عليا وقديه حطتو مصاري فوقو وتحتو من طلبات وهوي كان مستعد لكل شي ليرضيها وانو كانت حبو الاول لي حبا في بجنون هلق ما بجيب سيرتا حرام والله شاهد عكلامي كل وقتو معي بالشغل وبالبيت وبخطط شو بدنا نساوي ونعمل ومن هالقصص يعني بس انا في اسالة كتيرة براسي ما عم لاقيلا جواب وما بحب اسالو هيي انو يا ترى حبا اكتر مني ؟؟ اذا بصحلو يرجعلا هلق بيرجعلا ؟؟ بتذكر لما كان يقلي قديه دفع عليا بقعد بين حالي بقول انو اوك عليي ما بيبخل بشي بس ما بحس انو صرف عليي بهالمبالغ لي بقلي انو صرفا عليا ليه يا ترى ؟؟ بحبا هيي اكتر ؟ او انا لاني قنوعة وما بطالبو بشي الا اذا هوي جبلي ؟ كتيررر اسالة براسي رح تجنني ومش عم لاقيلا تفسير وااله تعبني التفكير حتى من فترة سالتو سؤال قلتلو والله مش رح ازعل بس جاوبني بصراحة حبيتا اكتر مني نكر قالي لا وصار يتحلف بس صدمني بردة فعلو انو بليز شيلينا من هااسيرة لان بتعصبني وانا ما بصدق انسا وهالقصص وقتا قلتلو انو لو ما بعدا بتهمك او شاغلي تفكيرك ما بتقول ما بصدق انسا حلفلي انو لا وما في شي من هالحكي بس ما بحب يتذكر شي مضا بس انا الوسواس قتلني معاني انا اصغر بمنيح منا وهيي اكبر منو والكل بقلي انو تفكيرك اوعا منا بكل شي بس مش قادرة اتحمل فكرة وجودا بالدنيا