ماذا أفعل للتخلص من الشعور بالذنب تجاه شخص آذيته وتركته

 ماذا أفعل للتخلص من الشعور بالذنب تجاه شخص آذيته وتركته انا متزوجة من سنتين عشت حياتي بالطول و و بالعرض ما تركت شئ الا عملتو بحياتي كان كل اللي عملتو من ورا حالتي النفسية اللي عشتها في بيتي

عشت  مكروهة من الشباب بسبب نصاحتي و قررت انحف بكلت اكل و صرت العب رياضة لحتى احس حالي بدي اموت و بعديها انحفت و ياريتني ما انحفت و لا صرت حلوة بنظر الناس و بنظر حالي صرت بدي اتملك كل اشي بدي كل الناس اتحبني و ما يتركوني و كان جسمي هو المكافاة لكل شخص بتعرف علي او بحكي معو اول مرة كانت و عمري 16 سنة و استمريت اوقع واحد ورا الثاني و استمريت بطريقي لدرجة كنت من واحد لواحد و على علاقة ب كثير شباب و كنت مرتبة جدول اني اشوف كل واحد بوقت معين

وصلت فيي اني اقابلهم كلهم بيوم واحد و اشبع رغباتهم كلهم  ضليت على هالحال 9 سنوات لحتى اجاني شب محترم جدا و خلوق و صاحب دين و شاطر بشغلو حكالي بدي اتزوجك و بحبك رفضت و لكنه اصر و حاول كثير معي و حكيتلو بصراحة انت شخص رائع و انا ما بستاهلك حكالي بعرف عنك كل اشي بحياتك و بعرف بعلاقاتك كلها بس اجا الوقت اتوقفي عن هالحياة و اتوبي لربك و نبعد انا و انتي حكيتلو بخليك تعمل معي اللي بدك اياه بس بلاها الزواج رفض اغويتو كثير و رفض حكالي من دون زواج لأ

حبيتو لدرجة اني عملتلو مشاكل و مصايب حتى يبعد  و هيو من 7 سنوات بحاول بس يعرف ليه دمرتلو حياتو  و اللي بسأل انا شو صار فيي هيني متزوجة من شخص مرتاح ماديا جدا و ربنا اصلح حالي و تركت الطريق اللي كنت ماشية فيها و لكن شو اعمل للي حبني و ضيعت مستقبلو ممكن يسامحني ؟؟ مع العلم حياتو لهلا مكركبة من وراي ساعدوني بحل اعملو حتى يسامحني مع العلم ما بقدر اشوفو باي حال من الاحوال او اقابلو و رجائا بعرف حالي شو كنت بس و الله اعلنت توبتي و بدي ارتاح