يريد أن يتزوجني وفي نفس الوقت إعادة طليقته

السلام عليكم حبيت حط مشكلتي وتنصحوني شو اعمل انا بنت عمري30 سنة تعرفت على شاب مؤخرا في موقع للزواج الاسلامي هو من بلد وانا من بلد ثاني من اول معرفتنا كنا صريحين مع بعض تعرفنا وحبينا بعض مع العلم هو مطلق وعندو ولد وصارلو مطلق لاكثر من سنتين اتفقنا على الزواج واني اروح اعيش معه في البلد اللي هو بيشتغل فيه من يومين قالي انو والده راح كلم طليقته واهلها من غير ما يحكيلو علشان يرجعو لبعض عشان ابنهم هو بدو يرجع مشان ابنه يعيش وسط امه وابوه وكمان مايصغر ابوه قدام الناس لانو هيك قالو والده انا مابدي كون انانية وقولو اختار بيني وبينها لانو في ولد وسطنا وحقو الطبيعي يعيش بين امه وابوه هو ما الو ذنب ولساتو صغير عمره سنتين، المهم هو بدو نتزوج انا وهو وانا اعيش معاه في البلد اللي متغرب فيه والثانية يخليها في بلده هو متمسك بيا لاقصى درجة وبيحبني كثير وبعرف انو راجع لمراته بس عشان ابنه لانها جرحتو في كرامته كرجل وهي اللي طلبت الطلاق لكن انا محتارة هل اقدم على هذه الخطوة ام لا؟افكر ان اقبل لكني خائفة من القادم انصحوني ماذا افعل؟ولكم مني جزيل الشكر