وقعت في الفخ فدفعت الثمن!!

السلام عليكم بدي اقول مشكلتي بالتفصيل مشان تساعدوني انا جو من لبنان عندي فندق الي و لابن عمي والكل بيحترمني بعمري ما غلطت بحق حدا وعايش حياتي تمام وعم فكر بالزواج بس الاقي البنت المناسبة ومرة كنت بسهرة عند رفقاتي شفت بنت حلوة كتير اسمها رنا حسيت تجاها شعور غريب فيكن تقولو حب من النظرة الأولى انا ابدا ما شغت بنت بجمالها رحت لحتى اتعرف عليها وسالتها عن رقمها لحتى ادعوها لمطعم واتعرف عليها اكتر وتاني يوم عزمتها عالغدا بمطعم ف عتذرت وقالت مشغولة لذلك اتفقنا بعد بيوم انا لبست احلى شي عندي وكتير متحمس ورحت عالمطعم استناها وهي وقت اجت قلبي صار يرجف اول مرة بحس هيك شعور بعدا طلبنا اكل انا قررت انو بعد الاكل قلها انو حبيتا ومستعد ابيع الدنيا كرمالا بعد ما خلصنا اكل حكيتا وقلتلا كيف عم حس وانو حبيتا وقلتلا انو بدي ياكي هي جاوبت انو لسا ما بتعرفني ولازم تتعرف عليي لحتى تفكر ترتبط فيي قلتلا شو بدك تعرفي ساليني كانت بتسال شو بتشتغل واديه راتبك واذا في بحياتي حدا وهيك وقالتلي بدها تفكر وبكرا تردلي جواب كنت بطير من الفرحة ومستني الجواب بفارغ الصبر تاني يوم اتصلت فيي وحكينا شوي قالتلي الصراحة انا كمان بادلتك نفس الشعور يعني حبيتك من اول مرة بس خايفة ادخل بعلاقة حب لان بخاف من الخيانة انا قلتلها مستحيل خونك بعمل اي شي لتكوني سعيدة قالتلي انو هي بدها الكل يعرف بعلاقتنا وانا فورا وافقت وصرت كل يوم معاها حسيت انو انا اكتر واحد محظوظ بالدنيا هي صارت تطلب مني تتعرف على عائلتي لان هيك كان شرطا انو الكل يعرف اننا منحب بعض وفعلا عرفتا على عائلتي وامي حبتها كتير وصارت كل يوم تزورنا وعرفتا على جميع اصدقائي في العائلة وفي الشغل واصدقائي صارو يقلولي كتير حلوة البنت يلي معك نيالك وهي كمان عرفتني على اصدقاءها وصرنا كل اسبوع نعمل سهرة ونتسلى وكنا كل يوم نحكي انا وحبيبتي طول الليل واحيانا نحكي كلام 18+ وفي مرة طلبت مني صورة بدون لبس انا سالتها ليش قالتلي بحبك وبدي شوفك وانا فورا اتصورت بدون لبس وبعتلها الصورة وهي صارت تقلي لازم نوثق ببعض وما يكون بيناتنا حواجز وصارت تطلب مني كتير صور بدون تياب وانا دايما ابعتلها ما بعرف ليش لعب الشيطان بعقلي وبعتتلها لان انا بخاف من ربي بس انشالله الله يسامحني وفي يوم بعتلها رسالة صباح الخير شافتا وما ردت انا استغربت كتير سالتا ليش ما رديتي فيكي شي وهي ما عم ترد بعدين انا اتصلت فيها وسالتا انتي بخير قالتلي اي بخير بس بدي تجي لعندي سالتا انت وينك عطتني عنوان بيت رحت عالعنوان فتحتلي الباب بالبداية فكرت انها لحالا بالبيت سالتا ليش انتي هون ولمين هاد البيت قالتلي هاد بيت حبيبي انا انصدمت قلتلها شو عم تحكي قالتلي روح عالغرفة انا فتت عالغرفة وشفت شب سالتو مين انت قلي رح افهمك كلشي قلي اول شي رنا بتحبني وعم تخونك وانا طلبت منها تكذب عليك رنا حبيبتي انا وقلي روح شوف شكلك بالمراية كيف رح تحبك وقلي تاني شي انا بعرف كلشي عنك وفيني افضحك اذا ما سمعت الكلمة سالتو شو بدك مني وناديت لرنا لان انا كان كل تفكيري فيها معقول تخوني معقول كل يلي عشناه كذب اجت رنا عالغرفة وقلتلا ليش هيك عملتي بس حبيبها قلي خراس وحكيني الي وهي اجت جلست معو وهو صار يقلي بدو اعطيه كل راتب الفندق انا رفضدت وحاولت اضربو بس هو كان اقوى مني وضربني وقلي لازم تنفذ او رح افضحك بصورك قلتلو موافق على كل طلباتك بس لا تفضحني. انا بالبداية وافقت لحتى الاقي حل للمشكلة لان رنا بتعرف كل عيلتي واصدقائي يعني اذا حدا شاف الصور بنفضح وحاولت فكر بحل للمشكلة بس ما لقيت غير انو ابعت شخص يقتلو بس هاد الشي مستحيل وانا بخاف من ربي وما بقدر اقتلو لذلك اتقبلت الواقع ورح اسمع كلامه مشان ما انفضح واتصلت رنا فيي بس حبيبها كان بيحكي بيقلي تعا عالبيت وجيب معك المصاري وانا عملت متل ما قال رحت وعطيتو المصاري وكان بيتكلم معي كلام اهانة وانا ما بقدر دافع عن نفسي ورنا كانت معاه بس مو مهتمة فيني واكتشفت انو رنا دائما بتهدد شباب بصورهم مشان يعطوا مصاري لحبيبها لأن هو طلب منها تعمل هيك يعني كيف فيي اطلع من هي المشكلة انا بعرف غلطت بس دفعت ثمن غلطتي زياااادة