يحتقرونني ويعتقدون بأنني بائسة وهم لا يعلمون بأنني أعاني

أخواني و أخواتي من فضلكم ساعدوني الله يقضي حوائجكم و يسهل أموركم،انا فتاة عمري 18سنة بدرس سنة أولى طب بشري،الحمدالله اعطاني ربي حقي من الجمال الشيء يلي خلى كثير من الشباب يلي يدرسون معاي يعجبون فيني ، لكن و لا واحد فيهم تشجع يعترف لي بشي لاني بحط حجاب و بتفادى الاختلاط...لكن شاءت الأقدار اني وقعت في حب شاب يدرس بالسنة الثالثة، بعد ما لاحظت انه كثير معجب فيا و حسيت انه بيتعمد يمر من الطريق يلي بمر منها...هو شاب ذو شخصية كثير قوية و معروف بالجامعة بذكاءه و مواظبته و جديته ،فرغم انه وضعه المادي متواضع جدا و حتى شكله مو حلو لفت انتباهي كثير و صرت اشوفه زوجي و كلشي بحياتي... فبعد ما سمعت انه بينظم حصص داخل الجامعة لمساعدة الطلبة يلي بسنة اولى و ثانية في دراستهم ،قررت اراسل بالواتس اطلب منه انه بدي احضر في احد الحصص،فكلمني بكل برود و قال انه راح يخبرنا بتوقيت الحصة القادمة على صفحة الفيسبوك بتاع الجامعة(مو قالي مرحبا اوسألني شي...)،فأنا قلت انه ما صدق اني انا البنت يلي كانت بتعجبه بحثت عن رقمه و كلمته ...فما تكلمنا من هداك الوقت حتى يوم الخميس،بحيث كان عندي امتحان طلب مني الدكتور استظهر جزء من الدرس و انا ما عرفت اجاوب نسيت كلشي فحط لي 0 .و في مادة كثييييير مهمة كنت راح اموت .... اول شخص كلمته كان هداك الشاب رسلت له في الواتس و حكيت له كلشي كنت بستنى انه يواسيني او يعمل شي يساعدني لكنه كلمني بكل برود و لا مبالات و لما رحت عنده بالساحة اكلمه تكلم معي عااااااادي و ما بين لي شي بلي كان يتهيء لي و تركني واقفة و راح عند صحابه....بكيت كثير و تعبت و ما عدت قادرة ادرس او اسوي شي حتى صحباتي تركوني بعد ما صرت بئيسة و صاروا يحتقروني و يعتقدون اني كسولة و عم بهتم بدراستي، لكن و الله اني كل ما بفتح الكتاب بفكر فيه و صير ابكي ،حتى ماما تعبت لما شافتني تغيرت هيك ،ارجوكم شو بعمل اتصل فيه و اعترف له و استريح ، او انساه و ما انتظر منه شيء لكن كيف انساه صار مسيطر على كل حياتي و بدي يااااه