ضربه والده لأنه يحبني!

ارجوكوا ساعدونى انا بنت فى الثانوى العام وفيه واحد زميلى بس هو ثانوى ازهرى الشخص داه بيحبنى من زمان اووى يمكن اكتر من ٥ سنين هو كان مشى ورايا من سنتين يعنى بقى يستنانى عند دروسى ويوصلنى لغايه البيت لغايه ما صحباتى البنات سالونى اذا كان الشخص داه بيدايقنى بس انا مكنتش واخده بالى فقولتلهم مفيش حاجة ومن ساعة ما عرفونى فعلا لاحظت انه بيمشى ورايا فا عرفت والدى. بابا كان بره الفيلا مستنينى وشافه وكلمه والولد حلف انه مش بيمشى ورايا وبعدين الولد اختفى مدة و رجعت اشوفه تانى بس انا مكنتش عايزة مشاكل فا مبقتش احكى لبابا تانى لغايه شهر ٩ الى فات الولد داه بعت لبابا رسايل على النت اعترفله بكل حاجة وانه بيحبنى جدا وقالوا انه لما نخلص ثانوى وندخل جامعه يستناه عشان عايز يخطبنى بابا كان ردة حكيم جدا وفى اخر الكلام معاه بابا قاله اهتم بدراستك عشان تدخل كليه حلوه وربنا يوفقك بابا مرفضش واله وافق عشان شايف ان احنا صغيرين والدى لما حكالى ضحكت ومحطتش فى بالى لغايه ما فعلا لاحظت انه مبقاش بس بيمشى ورايا فى درس واحد لا داه بقى كل دروسى لغايه من اسبوعين اتجرأ وكنت ماشيه لوحدى الصبح بدرى جدا راحه درس فى الوقت داه مكنش فيه مخلوق فى الشارع وفجاء لقيته بيمد ورايا ووقفنى وعمال يتكلم انا جريت من الخوف واول ما رجعت حكيت لوالدى وعرفته انها مش اول مرة يحاول يوقفنى فى الشارع هو قبل كدة حاول يوقفنى بس كنت فى شارع زحمه وكنت مع واحدة صحبتى وطبعا مشيت انا وصحبتى انا كنت من كتر الخوف كنت بترعش وانا بحكى لبابا. بابا راح لابو الولد واول ما ابوه عرف بابا وعرف وضعنا وان بابا منصبه مرموق جدا جدا جدا فى الدوله وشاف ان ابنه غلطان اعتذر لوالدى كتير واول ما ابنه روح باباه ضربه وطردة يوميها الولد بعتلى رسايل وحكى الى حصل وان والده بهدله والولد اتضر جامد وقالى انا اعتذرتلك الصبح مكنتش اقصد وسامحينى وبعدين رجع تانى يبعت رسايل ويعتذر وبيقولى انا مهما حصل مش هسيبك انا بحبك لدرجة الجنون انا سافرت من ساعه الى حصل عند جدتى بقالى حوالى اسبوعين والمفروض هرجع دلوقتى البيت عشان الامتحانات بس بصراحه خايفه اشوفه للعلم هو لسه بيحاول يشوفنى ولسه بيبعت رسايل وقالى انتى لو حكيتى لوالدك وابويا ضربنى تانى انا هفضل احبك مهما حصل وقالى حاجات كتير انا عايزة احكى لبابا بس المشكله ان بابا قالى لو فكر تانى يدايقك او يمشى وراكى انا ليا تصرف تانى و كمان انا مش عايزة مشاكل انا عايزة الموضوع ينتهى من غير ما الولد يتاذئ ومن غير مشاكل