زوجي لا يُقدر جمالي

انا بنت طول عمرها الناس بتحلف بجمالها ، دايما بكون محط الانظار و اكتر بنت بيجيها خطاب بأي مناسبة ، و فعلا بيوم اجو جماعة محترمين كتير و خطبوني و تم النصيب، لكن اللي كنت الاحظه بفترة الخطبة انه عمره خطيبي ما حكالي كلمة عن جمالي، ولا عبر عن اعجابه بجمالي، و بعد الزواج بدأت اتفاجيء بطلباته الغريبة ، بالبداية كانت الطلبات بسيطة و ممكنة التطبيق متل شو رأيك تلبسي عدسات لون معين ، او تصبغي شعرك اللون الفلاني ( على الرغم انه كنا ببداية الزواج يعني ما لحق يمل من شكلي) و بعدين تطورت الامور و صار بده ايانا نزور طبيب تجميل لحتى اغير بعض معالم جسمي ، و صار يحسسني انه بدون هاي التغيرات انا مش رح اعجبه ، و فعلا اجريت اول عملية تجميل بعد ضغط شديد منه ، و بعد فترة مش كبيرة بلش يطالب بتغيرات تانية و عملية تجميل تانية . انا مو عارفة شو اعمل .. طلباته المستمرة و تعليقاته خلتني افقد ثقتي بنفسي و جمالي، و التعرض لعملية تجميل مرهق و صعب .. انا مو حابة اغير شكلي لكن هو حاليا ما عم يرضى فيي الا اذا رديت عليه ..أريد حلا