عضلاتي سبب تعاستي!

عليك ان تقرا مساويء الستيرويد ستذهل كيف يدمرك اولا راجع طبيب ليتأكد من غدتك الكظرية وان شاء الله لم يصبها التلف وقارن بين سعادتك الان وقبل الاستخدام كل شيء يجب ان يكون بتوازن الاكل والتواصل الاجتماعي والرياضة ومشاهدة التلفاز لكي تكون حياتك منتظمة ومستقرة

تحتاج إلى مراجعة طبيب وبشكل سريع لعلاج انسحاب من التسترون لأنه سيكون مثل ادمان، اخي مر بمثل هذه التجربة وعالجه طبيب وقال لنا أنه من الطبيعي أن يشعر مستخدم الستيرويدات بقلة الثقة في قدراته الجسدية مما يدفعه إلى تعاطي المزيد من الستيرويدات.

فالعلاج نفسي لحل مشكلتك مثل ما عمل اخي، والحمد لله هو الان بعافية، وبيلعب رياضة بشكل طبيعي وعضلاته طبيعية، يعني مش القضية انك سكسي والا لأ، القضية صحتك وعقلك وسعادتك.

نفسي أسألك البنت بدها عضلات منفوخة والا زوج حنون طيب وصحته منيحة وشغيل وصاحب فكر وعقل؟؟؟ فكّر واسأل اصحابك الي تزوجوا وعملوا علاقات

يا ابني بدي احكيلك هالمعلومة عن السم الهاري يلي بتستخدمه والي يمكن هو السبب في الاعراض التي تعاني منها، بتعرف أن استخدام الستيرويدات يؤدي إلى ظهور عوارض جانبية مثل حب الشباب وإرتفاع ضغط الدم وإرتفاع مستوى الكوليسترول; والأسخم أنها قد تؤدي إلى العجز الجنسي وتمنع نموهم. وبعد تعاطي الستيرويدات بإنتظام، يعجز جسم الشاب عن إفراز التستوستيرون بنفسه. ومن اخطر الأعراض 

تجعلك الستيرويدات أقل صراحةً مع نفسك مما يتسبب بتراجع الثقة بالنفس وضعف الشخصية. ولعل هذا هو سبب انعزالك

اصحى لنفسك والي بدها تحبك علشان العضلات المنفوخة ما بتلزمك، انت عم بتموت حالك علشان ايش، ومستحيل تضل تاخذ هالسم طول عمرك، واصلا بيكلفك مبالغ طائلة ولمتى بدك تضل عايش هيك، عمري 27 سنة يا ابني!!!! شو بتستنى، انت في طور تاسيس عيلة وتكوين نفسك، ربي يهديك

هل تعلم ان الستيرويدات يلي تاخذها هي مجموعة أدوية إصطناعية شبيهة بالتستوستيرون أي الهرمون الطبيعي الذي ينتج خصائص الذكورة، ويستخدمها الشباب لتنمية عضلاتهم لكي يبدوا أقوى، مما يساعدهم برأيي ومن خبرتي  كمدرّب رياضي على إخفاء ضعف الشخصية وقلة ثقة بالنفس. 

يعني لحل مشكلتك، يجب أن تزيد ثقتك بنفسك، وتحسن صورة أمام ذاتك وليس أمام البنات بنفخ العضلات.

جد المظاهر ضيعت الناس ، شو هالبلاء الجديد ، يعني بسيطة كثير تكلم معاها أنا ملاحظة بالموقع هذا الناس العندها مشاكل أساسها إنه ما بتصارح الطرف المقابل

اكيد رح تكون مو سعيد لانك مش راضي عن حالك ورح تضل طول عمرك مش راضي عن حالك. الرضا عن النفس ما بنبع من الشكل وانما من الداخل. الجسم الحلو رح يعطيك شعور موقت بالرضا لكنه مو شعور حقيقي وعميق. اخوي مثلك بالزبط دايماً مشغول بعضلاته وعمره ما كان راضي عن نفسه. فكر في الاشياء الاعمق والاهم بشخصيتك وعززها جواتك. خطيبتك اذا بتحبك رح تحبك بكل اشكالك. انا ما بحكيلك ما تدير بالك على حالك وما تلعب رياضةوتكون بدي بيلدينج لكن بالعقل مش لهالدرجة. 

واضح إنك إنسان سطحي للغاية ، وعندك حلين يا تترك البنت السطحية وتوقف السترويد الزفت  أو تظلك مع البنت وتقولها إنك رح توقف هالشي ... وهي حره وين شخصيتك يا معلم