يفترضون اني منفتحة

تعتبر هذه اساءة لشخصك و لازم توقفيهم عند حدهم !! العنصرية بهذا الشكل ممكن تسببلك قلق و زعزعة الثقة بالنفس! واذا ما حسنو تعاملهم معك اشكيهم او حاولي لاقي شغل ثاني. اصعب شيء يكون مكان عمللك مصدر قلقك.

الواحد كل ما يقرا قصة هالايام بنجلط! وبعدين مع هلمجتمعات الي ما بتتقبل الاخر٬ كلو قوالب نمطية واحكام جاهزة! يا عمي سيبوا الناس بحالهم وبدل وقت متحجبة مو متحجبة بتدخن ولا ما بتدخن٬ اشتغلوا وانتجوا بدل ما نحنا دول عالم تالت متخلفة وشاغلة حالها بالتفاصيل 

لا لا انسي كل كلام اتحجبي ولا راجعي نفسك وهلقصص٬ ليه يعني تراجعي نفسك٬ ليه ولا تعليق طلب من الشباب يراجعوا نفسهم! دايما الحق علينا نحنا الستات نحنا الفتنة نحنا الاغراء نحنا الغلط٬ اقولك وانتي غلط شو يعني؟ مافي اي اشي بسمح لحدا يتمادى عليكي حتى لو كنتي مو لابسة٬ ضلك متل ما انتي ولما واحد يزيدها امسحي فيه الارض وقفيه عند حدو بكرة كلهم بخافوا وبحلو عنك٬ اهم اشي يعرفوا انك بتقدري تبهدلي وما تسكتي.

مافي دخان بلا نار٬ يمكن انتي مو محتشمة بلبسك او لازم تراجعي تصرفاتك٬ بلكي بتعطيهم انطباع بانك هيك وبالتالي الحق عليكي٬ حاولي تكوني محافظة بالكلام واللبس ورح تشوفي الفرق

طب ليه عاملتيها مشكلة! مالو الحجاب؟ بدل ما تزعلي من حجابها فكري انو هاي اشارة من ربنا لهدايتك وانك تتحجبي٬ لما بحكولكم الحجاب حماية للبنت ما بتصدقوا٬ هيك شفتي قدامك الرجال ببساطة ما بحترموكي وبيشوفوكي سهلة.