ستايل خطيبي باللبس لا يعجبني!

Question

عمري 34 سنة وموظفة بقطاع خاص وبهتم بحالي وبمكياجي ولبسي خطبت بطريقة تقليدية شاب عمره 35 سنة محترم وهادي ومؤدب ومتعلم لكنه ما بعرف يلبس ستايل لبسه كتير قديم وبضحك وما بهتم بالعطر والتفاصيل الشكلية انا من عيله متوسطة صح بس بنهتم بالتفاصيل هاي ما بقول انه بنلبس ماركات بس بهمنها الاناقة والعطر والساعة وكمان كل صحباته وزواجهم هيك مو عارفه كيف افاتحه بالموضوع خجلانه وخايفه اكسفه او ادايقه بس مستحيل اني اعرفه على اي حد من صحباتي قبل ما يغير ستايل لبسه وهم دايما بطلبوا يشوفوه كيف اوصله الفكرة بدون ما اجرحة

الخبيرة النفسية د.سراء فاضل الأنصاري · Accepted Answer

الجوهر مهم ولكن لا ضير من الاهتمام بالتفاصيل وبالشكل العصري فالمظهر له تاثير في الاخرين والاعمال وطريقة الجلوس والوقوف واهمها النظافة ممكن نقل هذه الافكار خلال الحديث حتى يقتنع وبعدها شيؤا فشيئا ممكن ان تمددحي ما تحبيه من ملبسه مع بعض التحسين وتاخذي رايه في ملبسك وترسلين له بعض الافكار حتىتبدو افكاره هو وممكن النقاش على ملا بس البعض في البرامج التلفزيونية وممكن لن تبدو هو المعجب وعندما تخرجان ممكن ان تقترحي بعض الملابس التي احبها في فيلم ما او برنامج وهكذا

الدكتورة سناء مصطفى عبده · Answer

اللباس لا يقي م الرجل ولا الفرد فإن حسنت أخلاقه وسلوكه هذا وحده يكفيك صحيح ان النظافة والترتيب اجبارية ولا نختلف معك في هذا اقتراح ابدأي انت بشراء بعض الهدايا له ولتكن قطع ملابس تصفحي معه بطريقة غير مباشرة مجلات فيها أزياء وكأنك تسألينه عن اي الأذواق أحب اليه واعرفي ميوله ووجهيه نحو التناسق في الألوان ونوع الملابس وما شابه ربما هو لا ينتبه لهذه التفاصيل لا تخبريه اخبار بل ساعديه بالتوجيه غير المباشر وركزي على قضية انك تحبينه وتحترمينه مهما كان الوضع كوني مرآته

من مجهول · Answer

فيكي تسأليه انت بتوثق فيي بس بظن هلكنزة او هلبنطلون مش حلو لبسو عهديك الكنزة او لبيس هلبنطلون علكنزة اهديه ساعه او بارفان قوليلو حابة شوفن عليك وهيك بطريقة المسايسه فيكي تقدري او تقوليلو ماحلو لبسك اليوم لبش مغير وهيك مابتجرحيه ولابتتمسخري عليه وهو حيتقبل ويسمعك

من مجهول · Answer

قوليله تعال نختار انا وانت لبس علي ذوقي يمكن يعجبك

من مجهول · Answer

عادي فيكي تستخدمي اسلوب حلو وتقولي حبيبي متمنية شوفك لابس هيك من اختياري بدون ما تخليه يحس انك خجلانة فيه

من مجهول · Answer

بس تتجوزه شوي شوي حاولي تساعديه باختيار ملابسه بدون تجريح قوليله هذا احلى من هذا اذهبي مع اثناء التسوق

من مجهول · Answer

أظن الواحد لما يتقدم لواحدة و توافق فهي توافق عليه كما هو انتي عايزة تفصلي خطيبك على هواك أظن دي بداية فشل العلاقة آجلا أو عاجلا ستنتهي هذه الخطوبة انتي لم تذكري من صفاته الا لبسه و مظهره واضح أن ده هو اهتمامك و بعدين انتي مكسوفة تخلي صحابك يشوفوه الله يعينه فعلا هو وقع في مطب ربنا يرزقه اللي تقدره و اللي تشوف مميزاته

من مجهول · Answer

اهديه اواعي يا بعدي وساعه وعطور

من مجهول · Answer

احمدي ألله انك انخطبت بسن ٣٤ سنه وهو اكبر منك بسنه وشو هالستايل بينفع الإنسان بجوهره مش بستايله

من مجهول · Answer

ليش تعرفيه على صاحباتك خليه مغمض اريحلك اخاف يفتح وتتعبي

من مجهول · Answer

لم تعرفيه على صديقاتك اكتفي به لوحدك وتقبلي عيوبه وستقابلين عيوبا اخرى عليك بالصبر والتقبل لتدوم العشرة

من مجهول · Answer

وليش توافقي على الخطوبة اساسا كمان اضحكي بسرك عمرك 34 واخدتي واحد 35 منيح انه امه وافقت واهلو وما حكولو كبيرة وبس تتجوزي انتي حاولي تغيري طريقة لبسو

من مجهول · Answer

قليلوا اريد البسك ع ذوقي وانا خطيبتك وبعد كم يوم زوجتك لازم اهتم بيك وبمظهرك واولها احب اليس باختياري ودلع وهيك شي وتضيع السالفه

من مجهول · Answer

لا تفاتحيه بالموضوع بل بادريه انت بهدية مثلا اشتري له ما يعجبك من اللباس سيلبسه كرري الأمر بعد فترة من الزمن عندها سيعتاد على طريقة لبس جديدة ويصيح أكثر اناقة

من مجهول · Answer

اتفق مع الجميع تقريبا فكرة انك تعرضي عليه تنزلوا السوق سوا وتختاروا ملابسه سوا فكرة منطقية ولن تزعجه

من مجهول · Answer

عم تلعبي بالنار بكرا بس تظبط وتهندز تبلش عينه تزيغ ارضي باللي كاتبه الله احسن ما تندمي

من مجهول · Answer

روحيله و قوليله و انتي مبتسمة شو رايك انا لبسك اليوم او شو رايك تلبس ع زوئي اليوووم او شو رايك دللك اليوم و انا اهتم فيك و اخترلك شو تلبس شو تاكل او شي هيك بطريقة غير مباشرة المهم تكوني مبسوطة و مبتسمة و لما خلاص يوافق وقفيه قدام المراية قوليله كنت حلو و هلء زدت حلا و هو رح يعرف يختار لبسو مرة تانية و صلحيله ستايل شعره مشان يزبط مع لبسه هههههههههه و فوابللاااا خلصت المشكلة

من مجهول · Answer

عادي ليش مكبرة الموضوع انتي لبسيه اطلعو سوا قوليلو انا بحب اختارلك ملابس ع ذوقي او بحب الستايل دا ايش رايك تجربه وكمان خدي ذوقه ف لون شعرك مثلا قوليله ايش تحب البس لون او او او الخ يعني حاولي تبيني له ان الموضوع موضوع مشاركة اذواق مو موضوع انك تلبسيه ع كيفك

من مجهول · Answer

هلا اتركيه هيك ولما تتزوجي غيري من لبسه بطريقتك لا تنفخيه من هلا مثل البلونه اول ما ينفجر ينفجر بوشك عن تجربه غيرت من شكل خطيبي سابقا واول ما صار شيك انقلب علي وشاف حاله علي حبيبتي

من مجهول · Answer

اشتري له هدايا ملابس بيني له اهتمامك بهالجانب بس بدون مايكوو بشكل مباشر وينحرج

من مجهول · Answer

كل ما بدك تجيبيلو هديه جيبي ملابس ومو شرط يكون في مناسبة مشان تجيبي ملابس وهيك بتعود كل هداياكي ملابس وخلصنا

من مجهول · Answer

أليس من التهور ان تعرضي خطيبك على صحباتك وهو متأنق متعطر وفي يده ساعه

من مجهول · Answer

استنى بعد الزواج وانت تلبسيه على كيفك

من مجهول · Answer

صارحيه وتكلمى معه ان يحسن هندامه لكن بطريقة مؤدبة

من مجهول · Answer

هاي الامور كتير بتصير و عادي انك تحكيله مثلاانا خطيبي نفس الشي مع انه لسا سنه صغير جدا بالنسبة لخطيبك بس هو بهتم في شغله و بكمل دراسة و بشعر انه هاي الامور مو مهمة و انا كتيير عكسه بحب البس حلو هلا عادي صراحة فاتحته بالموضوع من دون اساءة و حكيتله بدنا نغير ستايل و بنفس الوقت سألته انت ايش بتحب أكتر شي علي و ايش بتحب أغير في وقتها بيشعروا انه التغير عشان الطرفين و من دون زعل

من مجهول · Answer

عزيزتي هاذا الشي كتيير عادي هلا اوك هو حدا محترم و مؤدب و كلو تمام بس ازا الموضوع مدايقك و انت متسحية منه كتيير ايشي عادي انك تفاتحيه في هذا الموضوع بشكل لطيف و ما بألأذي انو مثلا يلاا نطلع نجيب اواعي مع بعض جيبيلو هدية مثلا عطر و احكيلو انا كتيير بحب هادا النوع اسأليه ليه ما بتلبس ساعة مرتبة انو متل هيك بس مش الاسألة مع بعض و بطريقة لطيفة مافيها شي

ستايل خطيبي باللبس لا يعجبني!

شارك في الاجابة على السؤال

شارك في الاجابة على السؤال

احدث الوصفات

طريقة عمل مهلبية الجيلي

طريقة عمل كاسات تشيز كيك

طريقة عمل كاسات اللوتس

طريقة عمل عصير فيمتو

طريقة عمل الموهيتو الصيفي

طريقة عمل عصير المالديف الأزرق

فيديوهات ذات صلة

اختبارات ذات صلة

اختبار الشخصية الحساسة: هل أنت شخص حساس؟

أسئلة ذات صلة

مقالات ذات صلة

احدث مقالات قضايا اجتماعية

احدث الوصفات

طريقة عمل حلى كرات الشعيرية السهل والسريع

طريقة عمل كيكة الجيلي الباردة

احدث اسئلة قضايا اجتماعية

اسئلة من بلدك

احجز استشارة اونلاين

شارك في اخر الاختبارات

اختبار الشخصية التجنبية: هل أنت شخص انهزامي!

اختبار نوع الغيرة: اكتشف غيرتك من أي نوع!