لا أحب العباءة التي ألبسها!

انا نفسك من انا بصف سادس البسها و الحين انا بثالث متوسط ويعورني هشيء انا اغلب اللي حوليني لابسين عباية كتف انا و اختي نلبس عباية راس ومغصوبيين عليها من امي بحكم انها هي محافظه واهلها محافظين حاولت اكثر من مره اقولها ما ابغا البس العباية انا و اختي نعاني لاكن هي مصره وتقول حرام و غصب عنك ما سألتك تبغين ولا ما تبغين وتصرخ علي ان غصب بتلبسينها طيب والله انا ما عندي مشكلة بس انا ابغا البسها عن حب مو مجبورة يعني تخيلوا صديقاتي يلبسوا عباية كتف وانا احس غير عنهم ياخي توني صغيره واحاول ان صديقاتي مايعرفون ان البس عباية راس لان احس اني غير عنهم يضايقني هشيء مره و كذا مره بكيت بسبب هذا الشيء والله هشيء يخليني اكره امي ان ليش تجبريني على هذا الشيء وجودها صار بالنسبة لي فقط مادي تمنيت ان عندي ام غيرها يعني قدري قيمني هشيء سبب يخلي بيني وبينها فجوه كبيرة فيه اشياء كثيره لازم اقولها لها ك اي ام طبيعية لازم تعرف هشيء بس انا ما قلت لها بسبب عباية الراس و كيف تجبرني البسها حاسه اني كارهتها وليش تسوي فيني ليش ما تحس فيني قاعدة اكتب لكم وانا صدق ابكي بسببها صرت احس ان اختي امي ما ابغاها هي امي لان ما في ام كذا و الحين بس ادعي ان ربي يخليها تخليني البس عباية كتف لان صدق صدق تعبت تكفونننن قولوا كيف اتصرف معها وكيف اكلمها لان احس فيه حاجز بيني و بينها مقدر اقولها اي شيء بسبب هذا الشيء

انا بعد البس عبايه راس واقاربي خالاتي وعماتي يلبسو راس بس بناتهم كتف تعبت وعمري 13 سنه وبعد يبون انتنقب انا صغيره

فعلاً تجي النعم للأشخاص الي ما يقدرونها انا اتمنى و الالاف البنات غيري يتمنون النعمة الي انتِ فيها ، العباءة الزينبية هي الأكثر ستراً و جمالاً هي مو مجرد عرف و مستحيل تكون هي فخر و عزة اتمنى ما تنظروا لها بهذه الطريقة لأنكم توسيؤن الظن 

انا عمري ١٧ ولبست عباية راس من عمر ١٣او ١٤ ما اذكر و كنت متحجبه من عمر ٩ سنوات بس كنت البس بدل،، احنا بعايلتنا الاغلب كان متحجب و يلبس بدل وشويه منا عباية راس بس كعرف بالمجتمع مو وايد بعمري يلبسون عباية راس، وانا من نفسي قررت اني ابي البس عباية راس حتى اختي اللي اكبر مني ما تلبس،، حابه اقولج شي و اتمنى يأثر فيج اقري كلامي عدل وفكري فيه ارجوج احنا كبشر رب العالمين نزلنا على الارض و قال عندكم اختبار اختبروه بعدها بترجعون عندي و كل واحد ونتيجته اللي افنى حياته بالخير يروح الجنه واللي بالشر يروح النار و هذا كلام بدائي واكيد انج  تعرفينه الاختبارات اللي قام نختبرها وايد وانتي وانا صدقيني مو متخيلين كمية هول الموضوع لدرجة على ما اتذكر اني قاريه روايه ان رب العالمين راح يحاسبنا حتى على النفس اللي قام نتنفسه ما تشوفين ان اللبس شي سهل و اختبار المفروض انج تعدينه بكل سهوله ما تشوفين ان في اختبارات ثانيه بحياتج المفرووض اهيه اللي تقعدين معاها بصراع و تحاولين تعدلين من نفسج فيها ما تشوفين انها مجرد قطعة قماش رب العالمين قالي حطيها و بتكسبين اجر و بتدخلين الجنه ما تشوفين انج محظوظه بانج بنت و تقدرين تاخذين اجر بكل سهوله مجرد تحطين قطعة قماش عليج و خلاص و انتي نفس ما تقولين اهوه شي موجود بالعرف عندكم يعني ما راح تعانين من كلام الناس ولا شي و عادي نصيحه لبسيها ولا تفكرين ولا يوم تشيلينها عيل اللي بامريكا و اوروبا و متمسكين بحجابهم شيقولون اللي كل يوم احد مضايقهم و يعطونهم نظرات استغراب و مو قادرين يمارسون حياتهم بشكل طبيعي، تخيلي يوم الحساب رب العالمين يقولج هذي كانت عايشه بامريكا مثلاً و ملتزمة بالحجاب الشرعي و كانت تتعرض لمضايقات لكنها كانت تفضل رضاي على رضاها عن شكلها ونفسها و انتي كنتي عايشه بمجتمع الاغلب لابس عباية راس و ملتزم و ما لبستيها حزتها صدقيني بتتحسفين انج بس فكرتي تشيلينها و اصلاً تعطيج هيبه واحترام من الناس انا في مره كنت قام امشي و لا في واحد مار من جنبنا نزل راسه و مشى ما تتخلين كمية شعور الفخر بنفسج لما تصير معاج هالمواقف صدقيني العباية ترفعج و تعلي من مقدارج لا تخلين لبسج لها يكون فقط عشان اهلج خليها حق رب العالمين قولي يا رب انا تركت شي من اجلك و اهوه اني اتزين و اكشخ و البس اللي ابيه قمت البس شي ما احبه من اجلك يا ربي و من اجل رضاك ولاني احبك و ما ابيك تغضب علي،وصدقيني لما تقربين من الله بشكل عام مو فقط باللبس و تبتعدين عن المعاصي في شعور لذه مو طبيعي راح تحسينه اتمنى اتمنى اتمنى صج  ان الله يذوقج اياه شعور ما اقدر اوصفه تحسين روحج خفيفه تحسين لو بموت الحين عادي انا راضيه عن نفسي، ولا تقولين الايمان و القرب من الله بالقلب و خلاص انا قلبي نظيف يعني اللبس ماله شغل الانسان المؤمن ينعكس ايمانه على كل شي على تصرفاته على كلامه على حركته كذلك المؤمنه اضافة الى الكلام اللي قلته اي وحده مؤمنه و مثقفه بدينها راح تشوفينها غالباً كل ماله ويزيد سترها ، رساله اخيره عمرج لا تفكرين تطلعين من إطار اللبس الشرعي يعني مو عباية راس و عطور و اظافر و مكياج و اذا كنتي تسوين هالاشياء اتمنى تبتعدين عنها ترا الدنيا ما تسوووى كلش اتمنى كلامي اثر فيج و لو شويه و حرك شي بقلبج هالكلام طالع من قلبي اتمنى الرساله وصلت  والله يوفقج بحياتج و شكراً

اني عمري 13ونفسيتي تدمرت لان اهلي غاصبيني ع العباءه مع انو هيه مو فرض او واجب انو نلبسها طوني حل كيف اقنعهم

حولي في امك وبس تري انا زيك 

انا بنت عمري١١ سنه سادس الابتدائي وامي من عمر ٧ وهي لبستني حجاب و عبايةطول الوقت والحجاب في البيت غصب حاولت فيها اكثر من مره وهي رافضة وانا اشوف ان الحجاب و العباية  مو واجب ولا غصب عني الحجاب هو شيء اذا انتي تبيه تلبسيه وذا الشيء عن وجه نظري قلت لها في المتوسط البس بس قال لا روحي وانا صراحه مو عاجبني ذا الشيء ابدا 

انا ايضا ابلغ من العمر 13واهلي يبون يغصبوني على العبايه في الصف الثاني متوسط يبون يلبسوني عبايه وانا مااحبها وانا اساسا قلت لو صرت ثالث متوسط بلبس عبايه بس ثاني مااقدر لان صغيره كيف تنصحوني؟

انا وحده ابلغ من العمر ١٣ سنه  ألبس عبايه رأس وأنا ما احب البسها بس امي جابرتني هي وابوي وكل معارفي يلبسون عبايه كتف وانا الوحيدة من بين الجميع ومو راضيه البسها فقط البسها لأنهم جبروني واشوف الناس يلبسون الي يحبون وأنا ألبس على مزاجهم الشئ مراا يضايق وعليهم تحكم ما شفته في احد حتى انهم احرموني من ملابس معينه مثل لبس البجايم والبناطيل والاشياء القصيرة لدرجه انهم يقولون اقصر حد للملابس فوق الكعب وفاتحت الموضوع معهم كم مررره يمكن ٨ مرات آني ما احب ألبس العبايه وليه حرمتوني من لبس البناطيل والبجايم  لكن يردون علي بان البس العبايه الرأس غصبن عني ويكلمني ابوي بصراخ وامي تقول الحرام حرام ما فيه نقاش أنا تعبت منهم 

كيف اقنع امي ما البس عبايه تكفون

سوي الي  تبينه ومعليك من احد روحي اشتري عبايه ملونه وفكي عباية العجايز ذي

بصراحه اني بعد اريد اشلح العبايه والبس جبه او شي عريض

لساتها صغيره؟ تمرد مو بوقته؟ ايشش دخللل الدين قال نستر الجسم مو نلبس عباية راس عباية الكتف م تفرق + اللي تلبس عباة راس تعتبر غريبه عشان الاغلب يلبس كتف

عذرا انا ماوضحت كويس اقصد ان جميع اقاربي يلبسون عباية الكتف انا الوحيده الي البس عباية الراس من صغري!